Al meer dan 100 jaor 'n begrip in Remunj
’t Is zelfs ’t aajste nog besjtaonde kefee van Remunj. In oos gezellige kefee kint geer terech veur ’n perfek pilske van de tap of ’n lekker tas kóffie. Oze beugelbaan annex feeszaal is de ideale lokasie veur al eur feeste en pertieje. Veer höbbe ’n prachtig terras veur ’t kefee zodet eur ges mit good weer ouch boete kinne zitte.
't Kloppend hert achter de tap
Achter Café Braam sjteit ’n klub van miense mit ’t hert op de juuste plek en die haje ’t beer good kaad. Waem zeen veer? Waat maak ós zo bezónjer?
Ajerwèts gezellig beugele
Wèts se det Café Braam ’n eige beugelbaan haet? ’t Is mesjien neet ’t eerste wo se aan dinks bie ’n kefee, mer veur ós heurt die baan d’r geweun bie. Beugele is ’n éch Limburgs sjpel en bie ós kint geer ’t nog geweun in ’t ech belaeve.
Wèts se nog?
Café Braam is meer dan ’n kefee. ’t Is ’n laevend sjtökske gesjiedenis, wo sjport, geluif, buurtgeveul en vakmansjap samekómme. De kómbinasie van ’n authentieke beugelbaan, ’n ewe-aad femilieverhaol en ’n uniek pötbeeld in de gevel maak ’t kefee toet ’n waerdevolle plek binne ’t kulturele erfgood van Remunj.
Höb geer vraoge? Zin in 'n pilske?
Naem kóntak op vieje tillefoon of mail. Vergaet ós neet te volge op social media veur ’t lèste nuujts!
Lèt op! Op oos gezellige terras kint geer neet rizzervere – geweun lekker aansjuve!
De beugelbaan kint geer waal veuraaf rizzervere. Bèl of mail ós gerös óm ‘ne tied te prikke.