Café Braam is meer dan ’n kefee. ’t Is ’n sjtökske gesjiedenis van Remunj, degelik gewórteld in de wiek Het Katoenen Dorp. Al sins 1890 waert hie gelache, geproos, gesjpeeld en gelaef, ginnerasie nao ginnerasie. Waat oojt begós es buurtkroeg van de femielie Braam, is óngertösse oetgegreujd toet ’n begrip in de sjtad en ómsjtreke.

Mit oze authentieke beugelbaan, ein van de lèste in de binnesjtad, haje veer de Limburgse traddiesie van ’t beugele laevend. Hie heurs se ’t zaachte sjuve van de beugelbel, terwiel aan de bar de glazer klinke en verhaole waere gedeild.

Café Braam is ouch ’n thoes veur väöle: van Sjtadsvastelaovesvereniging D’n Uul toet de Sjtadsgarde van Remunj. Same vórme zie ’t kloppend hert van onze gemeinsjap. En mit meer dan 350 lege is ‘r altied waal get te belaeve.

Toen planne opdoke óm oos kefee te sjlope, kwaam de buurt in aksie. Want ’n sjtad zonger Braam is wie ’n glaas beer zónger sjoem. Dankzie dae sjteun zeen veer gebleve! Veer zeen klaor veur de toekóms, zónger oxe zeel te verlere.

Bie ós kums se neet allein veur ’n good glaas beer, maar veur det werme geveul van thoeskome. Ederein is welkom. Dus sjtap binne, werp ein blik oppe beugelbaan, en ervaar ’t zelf.