Oze beugelbaan
Wèts se det Café Braam ’n eige beugelbaan haet? ’t Is mesjien neet ’t eerste wo se aan dinks bie ’n kefee, mer veur ós heurt die baan d’r geweun bie. Beugele is ’n éch Limburgs sjpel en bie ós kint geer ’t nog geweun in ’t ech belaeve.
Op oze beugelbaan waert al jaorelank gesjpeeld. Vaste ges, enthousiaste klubs en nuusjerige bezeukers – allemaol vinje zie hie häör plek. Of se noe ’n getraind beugelaer bös of ’t sjpel veur ’t eers zuus: ederein is wilkóm óm ’n kiekske te naeme of zelf ‘ns ‘ne keer mit te doon. De beugelbaan is ónlosmakelik verbónje mit ose gesjiedenis. Nuusjerig wie en wo ’t allemaol begós? Laes meer op oze gesjiedenispagina.
Waat is beugele?
Beugele is ’n aad balsjportsjpeel wobie se mit ’n (houten) sjöp of sjlaeger perbeers ’n zjwaore ból door ’n iezere rink in ’t midde van de baan te sjpele; mit taktiek, henjigheid en ’n bietje mood. ’t Klink sumpel, mer ’t sjpeel is verrassend sjpannend en vreug óm duchtige persiezie.
Wanneer kin se kome beugele?
Oze beugelbaan is neet vrie in gebroek, dus geer kint ‘r allein sjpele op rizzervering. Det maak ’t ideaal veur ’n orzjeneel oetsjtepke mit vrunj, femielie of kelegaas.
Wilt geer meer weite of metein rizzervere? Naem dan gerös kóntak op mit ós of infermeer aeve aan de bar.
Koste: €35 per oer
